第一次知道3g iphone將會發售時，雖然有諗過買，主要係用開的手機跌爛咗，後來知道開價太高，所以就諗住買番SE的手機；後來聽Abbie講，原來佢公司成班anchor都十分鍾意這部電話，仲話要第一時間去買(當然包括佢自己)，於是開始對這部電話作深入了解，真係好想知道這部電話到底有咩咁吸引?
經過一輪調查之後，覺得這部電話功能真係唔錯，亦相當靚仔，但始終覺得大部咗少少，到咗昨日Abbie終於收到e-mail，通知佢去攞機(白色)，佢比中六合彩更開心，但我就仲未有消息，其實我最終決定買iphone，純粹係”陪太子讀書”，後來我打電話比一個sales，佢話8GB未有貨，要下周中先返貨，如果16GB就有現貨，但我寧願等都唔要16GB，反正8GB我都夠用．
我以前會唔明白點解一PAIR人會用埋同一款物品，好似電話等．．．．．．．．．，現在我終於明白，因為有互相影響這回事，但我諗我哋一齊的時候，我都會盡量避免令兩部電話一齊出現，因為感覺始終怪怪哋!
