香港人除咗鍾意排隊之外，亦患咗過份恐慌症，電視新聞報道，多家大型超市的白米比人搶購一空，其實無人話過供應有問題，只不過稍後時間有加價可能，於是乎怕執輸的香港人，又發揮他們的小宇宙，去大肆搜購白米，看見電視播出來一個又一個的吉貨架，覺得香港人有時真的很難頂，雖然話加價會人負擔大咗，但亦不至於搞到好似打仗咁儲糧，多買一兩包就無傷大雅，但有些人堆到架超市手推車都載唔到咁多，真係唔知啲人諗咩，需唔需要驚到咁呢?香港人係公認醒目的人，但這種行為好像一些無受過教育的人一樣!
公司甲同事話某區無晒米賣，乙同事又話自己大安旨意，所以淪落到明天開始無飯食，因他吃完最後一粒米才到超市入貨，但去到超市時兩眼發光，因米架空空如也，結果要吃食意粉填肚！
今日又有報章在頭版報道，雞蛋又貴咗四成，唔知明日電視台會唔會影到放雞蛋的貨架又吉晒?
聽到這些事情，我會覺得好似聴笑話咁，就算真係無飯食都無咩大不了，最多咪食意粉，公仔面，米粉，pizza，面包，沙律．．．．．．．．．．．．．．．．．．．．．．．．．．，一定會有嘢食，唔需要搞到咁恐慌!
