前幾日在家執雜物，發現好多n年前的小東西(扭蛋，電話繩，小掛畫等等)，這些東西全部未開封，全是新的，但n個世紀後的今日再拿出來，又有唔同的感覺，其實唔單止雜物，就算人與人之間都係一樣．
早陣子約了一個年多沒有見面的”朋友”吃飯，雖然咁耐無見，但一點都沒有陌生，而現在更多了一份舒服的感覺，以前一齊時反而沒有現在那樣舒服，或者正如佢所講，有些人做普通朋友是比較合適，走得太近反而未必係一件好事，她告訴我現在還是一個人，她很享受這份經常可周遊列國的工作，不過，她今年秋天便會跟家人返澳洲定居了，她說：我好希望你可以對自己好啲！
這餐飯吃了一直晚（由7:00pm至11:00pm），傾了很多無咩特別的鎖事，但十分融洽，比以往任何一日都融洽，我好記得有一次，她曾拋下一句：我相信這個世界唔會有一個人能夠及得上”佢”！我好相信她說，”你對自己好啲”係一句真心為我好的說話，她一直希望我能夠放低那個包袱，正常地跟”其他人”相處，面對她這句話說，我沒有任何回應 ，因為我都唔知講咩好，她講出了事實，但另一方面又係一個我唔識面對的事實．．．．．．．．．．．
待續
